Dowladda Soomaaliya oo sheegtay in kabadan 1000 qof ay kaga jiraan xabsiyada caalamka

by Hassan Ali | Tuesday, Nov 1, 2016 | 141 views

1,November,2016(SofoNews) Mas’uuliyiinta dowladda Soomaaliya ayaa sheegeya in  maxaabiis ka badan Kun Soomaali ah ay ku jiranyihiin xabsiyo ku yaala 22 dal oo ku yaala caalamka.

Dr. Axmed Cali Daahir o ah xeer-ilaaliyaha guud ee qaranka  ayaa tilmaamay in maxaabiistaasi aysan heysan cid u doodda islamarkaana lagu rido xukun dheer, wuxuuna ka codsaday madaxda dowladda iyo bulshada in ay iska kaashadaan sidii loogu gurman lahaa maxaabiistaasi Soomaaliyeed.

Xeer-ilaaliyaha guud ayaa xusey in wadamada ay kuxiranyihiin dadkaasi ay kujiraan, hindiya, Sishelis, Malta, Kenya Iran, Baxreyn, Cuman, Imaaraadka, Filipin Japan, Viatnam, America, caalamka oo dhan ayeey ku xiranyihiin dad Soomaaliyeed, dadkaasi anagey naga sugayaan iney cadaalad helaan” ayuu yiri Xeer ilaaliyaha qaranka.

Dr. Axmed Cali Daahir oo hadalkiisa sii wata ayaa yiri “Dadkaasi intooda badan burcadbadeednimo ayaa lagu xukumaa Xuquuq maleh, Looyar looma qabto, isma difaacaan, marqaati looma keeno 15 sano 20 sano ayaa lagu xukumaa”.

Xeel ilaaliya ayaa hoosta ka xariiqay in muhiimaddu ay tahay in dadkaasi ay helaan cid u doodda oo xuquuqdooda difaacda iyo in kuwa la kuxumay ay helaan xabsiyo leh nolol wanaagsan, wuxuuna xusay in xabsiyada hindiya ay yihiin kuwa ugu liita caalamka.

Like it? Share it!

Leave A Response