Bayaan wada jair ah oo ay soo saareen madaxweynayaasha Puntland iyo Galmudug

by Hassan Ali | Thursday, Nov 17, 2016 | 249 views

17,November,2016(SofoNews) Kadib markii la soo geba gebeyey dadaaladii dib u heshiisiinta labada maamul, ayaa madaxweynayasha Puntland Cabdiweli Maxamed Cali “Gaas” iyo Madaxweynaha Galmudug Cabdikarim Xuseen Guuleed waxay  dib u billaabay wadahadalkooda ku aaddan hirgelinta xabbadjoojinta magaalada lagu muransanyahay ee Gaalkacyo iyadoo ay goobjoog ka ahaayeen Ra’iisal Wasaaraha Dawladda Federaalka Soomaaliya Cumar Cabdirashiid Cali Sharmaarke iyo wakiillo ka socday Beesha Caalamka.

Ergeyga Gaarka ah ee Xoghayaha Guud ee Qaramada Midoobay u qaabilsan Soomaaliya, Michael Keating, ayaa waxaa weheliyay Ku-xigeenka Ergeyga Gaarka ah ee Guddoomiyaha Guddiga Midowga Afrika, Lydia Wanyoto, Axmed Jire  oo ka socday Urur Goboleedka IGAD.

Waxay la kulmeen hoggaanka dhaqanka, odayaasha beelaha, iyo dhallinyarada labada dhinac ee isku haya magaalada Gaalkacyo, si ay u dhegeystaan dareenkooda iyo soo jeedintooda, oo ay ka midyihiin sababaha asalka u ah colaadda Gaalkacyo, arrimaha keena inuu sii socdo iyo habka lagu heli karo nabad waarta.

Nabad aan xoog lahayn ayaa ka jirtay magaalada Gaalkacyo iyo nawaaxigeeda toddobaadkii tagay. Waxaa la sameeyay guddi wadajir ah oo ka kooban 18 xubnood si ay ula socdaan hirgelinta xabbadjoojinta, wadahalkuna hadda wuu socdaa, si la isugu afgarto hab dibuheshiisiin.

Wadahadallo qotodheer, oo uu horkacayo Ra’iisal Wasaare Sharmaarke, ayaa u socda madaxweynayaasha labada dowlad goboleed, si ay ugu heshiiyaan arimaha asaaska u ah in labada ciidan la kala qaado iyo hanaan lagu hirgeliyo laguna hubiyo xabbad joojinta.

“Hanaan xabbad joojin iyo kala qaadidda labada ciidan ayaa muhim u ah xallinta colaadda” ayuu yiri Ergeyga Gaarka ah Michael Keating. “Cidna wax ka dheefi mayso in dagaal dib u billowdo, shacabka ku nool magaalda, dadka ku nool degaanada deriska ah, dadka barakacayaasha ah, carruurta iyo ganacsatada intuba waxaa soo gaaraya dhibaato dheeraad ah. Cidda keliya ee ka macaashaysa dagaal dib u billowda waa qaswadayaasha xagjirka ah. Waxaa loo baahanyahay xabbad joojin si loo yeesho wadahadal lagu xalliyo

Like it? Share it!